5% Cafe

营业中

休息中

今晚姨仔話帶我地去間樓上餐廳食晚餐，話啱哂我地，地點當然容易搵啦，就喺彌敦道登打士街交界，上到去門口已經見到有各類適合大人小朋友玩嘅小遊戲，都係先坐低點咗食物先!一路玩一路食開始，“紅酒燴牛脷意粉”牛脷冇羶味，呢度切得較為薄身，所以都好入味!“香脆龍利柳配牛肝菌汁長通粉”炸得出色，唔會好油冧冧，個汁都恰好唔會太濃，唔錯!“5%黑椒手打牛肉芝士漢堡配薯條”漢堡扒做得幾出色，肉汁夠豐富，黑椒味道剛剛好，唔會搶肉味！“雙重芝士焗肉醬窩夫薄餅”用窩夫嚟做餅底幾特別，如果整到脆身點會更好！再值得推薦嘅係飲品，我地分別點咗“ChocolateSmoothie”“PureColada”“VirginMojito”我地三個都異口同聲讚好！個仔喺度玩得好開心，又過關遊戲又飛行棋，不亦樂乎!