The Place

放假尾聲，趁平日無乜嘢做，上openrice睇吓有邊道有生蠔lunch buffet，之前食開尖沙咀一間酒店，今次見到旺角呢間The Place有得食，於是嘗試一下打電話book，用咗10分鐘左右，打咗3次先成功。一去到，都幾多人。環境都ok，唔算嘈吵、唔算逼。首先食my favorite生蠔、凍蝦，唔洗等，補充得都算快速。 洗得都干淨，無蠔殼碎。生蠔唔算肥，唔知點解食落唔覺甘味而係苦澀味。熟食一般，無乜驚喜，燒味仲要係只得义燒。因為唔係太餓，於是淺嘗一碗喇沙麵，麵ok，唔係煮到腍晒嘅，啱啱好。喇沙湯夠味，不過唔係咁多油就仲好。不妨一試加拿大蜂蜜合桃雪糕，超正。不過手慢就無得食喇。