影片
更多
2010-06-10
1017 浏览
老臣子總管榮休, 謝絕一切食完背脊骨落既俾面派對, 於是我地小圈子同佢食返餐飯, 聊表心意。晌呢頭返工搵地方食飯永遠令人頭痛, 可以選擇既地方唔多, 既要岩胃口又要顧荷包。晌舊office時周不時去灣仔醫學會聚餐, 今次終於有機會試下佢地晌中環既會所喇!呢度既套餐選擇比較多, 我地13人叫左個$838既8-10人餐, 有一湯六菜一炒飯:一口牛柳粒荷香蒸滑雞滑蛋炒蝦仁濃湯魚腐津菜菠蘿咕嚕肉鮮百合雲耳蜜豆幸福炒飯額外叫加多左一樣三鮮炒玉帶 (例$80, 我地人多要加大, 約$120)一口牛柳粒: 西芹炒黑椒牛柳。其實每件牛柳size比一口略大, 黑椒味濃, 牛柳嫩滑。荷香蒸滑雞: 即係紅棗雲耳蒸雞。夠大碟, 唔係好覺荷香, 不過雞件夠juicy。滑蛋炒蝦仁: 平時滑蛋蝦仁既蛋汁比較黃白, 而呢度既滑蛋望落去顏色比較深，食落蛋味好濃。蛋本身炒得唔滑, 反而有種"厚燒"既感覺, 食落就好有0趙頭。濃湯魚腐津菜: 魚腐扁扁碎碎, 個樣唔靚仔但好有手打既感覺。唔知點解一見到濃湯就"形"住係魚湯, 今次就估錯左喇(我都唔知算係乜湯). anyway湯唔算特別濃, 我亦無畢黎飲。菠蘿咕嚕肉: 呢個菜
晌呢頭返工搵地方食飯永遠令人頭痛, 可以選擇既地方唔多, 既要岩胃口又要顧荷包。晌舊office時周不時去灣仔醫學會聚餐, 今次終於有機會試下佢地晌中環既會所喇!
呢度既套餐選擇比較多, 我地13人叫左個$838既8-10人餐, 有一湯六菜一炒飯:
一口牛柳粒
荷香蒸滑雞
滑蛋炒蝦仁
濃湯魚腐津菜
菠蘿咕嚕肉
鮮百合雲耳蜜豆
幸福炒飯
額外叫加多左一樣三鮮炒玉帶 (例$80, 我地人多要加大, 約$120)
一口牛柳粒: 西芹炒黑椒牛柳。其實每件牛柳size比一口略大, 黑椒味濃, 牛柳嫩滑。
荷香蒸滑雞: 即係紅棗雲耳蒸雞。夠大碟, 唔係好覺荷香, 不過雞件夠juicy。
滑蛋炒蝦仁: 平時滑蛋蝦仁既蛋汁比較黃白, 而呢度既滑蛋望落去顏色比較深，食落蛋味好濃。蛋本身炒得唔滑, 反而有種"厚燒"既感覺, 食落就好有0趙頭。
濃湯魚腐津菜: 魚腐扁扁碎碎, 個樣唔靚仔但好有手打既感覺。唔知點解一見到濃湯就"形"住係魚湯, 今次就估錯左喇(我都唔知算係乜湯). anyway湯唔算特別濃, 我亦無畢黎飲。
菠蘿咕嚕肉: 呢個菜做得唔錯, 炸漿夠薄, 亦無酸甜汁"瓊"成一舊既問題!
鮮百合雲耳蜜豆: 較為清淡既菜式 。有同事話碟野炒得油左d, 我又覺得ok喎...
幸福炒飯: 大大碟夠我地全體13個人食, 幾好味架! 唔會好似平時去酒樓或者去飲食0個D炒飯咁"淡貿貿"。
三鮮炒玉帶:翠玉瓜﹑馬蹄同百合(?)炒帶子，用左XO醬黎炒, 所以有少少辣。呢期咁岩有新聞話食完帶子中毒, 於是大家望見碟帶子驚驚地, 不過事實證明乜事都無啦!
飯後甜品係綠豆糖水--唔係綠豆沙(因為無起沙)。好香既臭草味! 食食下忽然好掛住灣仔醫學會既杏仁茶添~
如果要比較灣仔會所同中環會所既分別, 就係灣仔既菜式做得比較似屋企飯, 中環既就類近酒樓。
侍應哥哥姐姐們手腳勤快, 起菜亦迅速。
要提大家，訂位同入座時都要出示會員證架!
张贴
