源祖之味古早味蛋糕店 (已結業)

天氣涼涼地行過沙田一田經過聞到香噴噴 嘅古早蛋糕，好想食啊！由台灣引入香港嘅古早蛋糕，巳經有一段時間，不同品牌店舖嘅味道都差不多，來來去去都係原味、朱古力味、茶味等等， 今日畀我喺沙田新城市廣場一田超市內發現這個品牌《源祖之味古早味蛋糕》。這店的味道選擇幾特別，有海苔肉鬆、芝士拉絲、芝士肉鬆，仲有流沙鹹蛋黃等等，每天供應的口味都有唔同。隔住玻璃都感受到古早蛋糕在呼喚我，賣相已經令人垂涎欲滴。今天晚上自家主場，請咗大班屋企人嚟食飯，不如買夠兩個蛋糕大家齊齊開心吃，本身一條蛋糕嘅份量已經大，且好有份量，兩條一齊拎住感覺好實在，好滿足，屋企人見到一定好開心。焦糖咖啡~焦糖咖啡味道唔會太甜，蛋糕質地鬆軟可口，香濃拉絲芝士~芝士味唔會搶咗蛋糕嘅香味，含芝士部分質地會比較實，食落少少鹹鹹地，幾特別。蛋糕店仲有蛋撻及酥皮撻，下次一定要試。