亞金南洋茶室 (Two Harbour Square) (已結業)

今日相約了在觀塘工作的朋友食晏，試下佢介紹依間馬拉嘢🤗。餐廳環境好好，店員安排我地坐近𥦬邊位置，夠哂光猛，另外座位都好闊落，坐得好舒服🤓😚。我地叫左2個主餐食。輕怡招牌叻沙首先飲下個叻沙，滿滿的椰香味，同埋帶少少辣，非常開胃😙。面身亦相當爽滑彈😄牙。配合新鮮的食材如鮮蝦，魷魚圈，蟹柳，豆卜，每種食材都同叻沙湯好夾，食完都好滿足🤤。輕怡檳城炒貴刁份量都算大碟👍，炒貴刁味道亦不錯，炒得好香口唔會一舊舊咁，亦唔會太油利，入面有鮮蝦，魷魚圈。仲有少少豬肉鬆，口感都不錯😉。飲品方面，要左凍檸茶同凍檸薏米水。凍檸薏米水又幾好飲啊，飲完覺得都幾消滯😉。總結覺得食物味道都可以，最主要環境舒服，與友人可以開懷傾計🥰🥰。