La Famille (已結業)

講到甜品，我真係超級中意食戚風蛋糕> < 看似平平無奇，食開就知道要整一個出色既戚風蛋糕都唔係一件容易既事。幾年前同友人去開大坑食野，無意中發現呢間La Famille小店，店鋪空間不大，大約容納到4-5人企位。然後遇到店員既熱情款待，試左一口戚風蛋糕，就發現超級好味，結果就留低左、再每人買多件試，加埋cream食真係好好味，質感輕盈、軟熟、濕潤，而且蛋糕好有彈性。估唔到幾年内已經開左幾間分店，今次同友人去左銅鑼灣店，店鋪設計好色彩繽紛，位置落座於小街，即使坐一個下午都好舒服自在。今次每人叫左一款甜品加一杯咖啡，仍然係我中意既鮮奶咖啡 另外有柚子戚風蛋糕、花花Jelly蛋糕，戚風蛋糕size岩岩好，配上柚子食落好開胃，而Jelly蛋糕望落好靚，味道就普通中等吧。