燈籠滷味 (朗豪坊)

营业中

休息中

今日工作關係要到朗豪坊，離開時差唔多2點，就諗住食埋午餐先走，於Food court嗰層睇咗一陣，最後決定試下燈籠滷味。叫咗個排骨滷肉飯，排骨都算大件，肉質唔算淋，咬落有口感，但唔太入味，飯的份量對我來講略嫌唔夠。免費飲品凍綠茶OK。午餐的餐牌來講都算唔少的選擇。職員的服務方面，我就認為唔錯，由落餐至收銀都算有禮。店舖的環境方面，裝修設計方面都幾特別，唯一係無座位之間空間較迫，無論我坐入埋邊或者起身都要好小心。