Mango Tree

营业中

休息中

今日收工好攰，放工就約埋同事去公司附近既mango tree嘆番個正宗泰國菜先。餐廳環境非常之優美，座位好闊落，燈光亦都好有泰國餐廳嘅感覺，光暗適中，最啱收工chill一下。首先我哋叫咗個燒豬頸肉，呢個豬頸肉燒得啱啱好，爽口彈牙，唔會燒燶，岩岩好另外亦都叫咗個青咖喱雞柳，相比之下呢個係菜式就比較普通，同出邊嘅泰式餐廳差唔多，冇乜特別，不過雞柳都好多嘅。最後仲叫咗個菠蘿海鮮炒飯，呢一個炒飯我極度推介，海鮮炒飯嘅配料好多。開頭以為佢會放落一個菠蘿入邊上碟，但餐廳反而用碟上，更加食得出飯底炒得好香，簡直係呢間餐廳必點嘅菜式！