源祖之味古早味蛋糕店 (已結業)

早幾日係旺角東一出站就聞到好熟悉嘅味道，行多幾步就諗起原來係源祖之味的蛋糕香，已經好耐冇過呢頭買比謙謙食，今日決定比個驚喜佢買返個特濃朱古力比佢嘆下。難得過開來見佢個芝士愛肉鬆剛出爐太香又忍唔住買多件。🥧 特濃朱古力 ～ 蛋糕面層已經有朱古力碎，底層中間有一層朱古力醬， 一口咬落去朱古力味重，個朱古力醬夠濃郁加分。小朋友絕對會喜歡的。🧀 芝士愛肉鬆 ～ 大家都知我怕甜所以特濃朱古力，我只能淺嚐， 但呢個芝士愛肉鬆就唔同，食得出原來的蛋香，芝士係中間半溶上層的豬肉鬆夠香，成件事好夾很滋味。