LA FAMILLE

营业中

休息中

每次搭扶手電梯去Times Square B2層都會被La Famille Cake嘅蛋糕吸引住。蛋糕款式極多，色彩繽紛，睇見都令人感覺好開心。 最吸引我嘅係件裝迷你蛋糕，每件都以透明獨立蓋蓋住，感覺好乾淨衛生，口味選擇非常多，選擇困難症又再度發作！ 好不容易揀咗4件蛋糕返屋企慢慢嘆🍰 皇牌士多啤梨 $58・外層深紅色戚風蛋糕，顏色似足士多啤梨，蛋糕面上別出心裁設計蓋著香甜士多啤梨，女士們定必被此吸引。 法國玫瑰 $58・我又被最愛的粉紅色深深吸引住，蛋糕面以紅色朱古力製作成一個半圓形，朱古力甜度剛好，戚風蛋糕新鮮鬆軟，白色cream不甜不膩。 斑蘭飄香 $64・未食已聞到斑蘭的清香，青翠綠色的斑蘭蛋糕賣相搶眼，入口陣陣斑蘭香味，與蛋糕內滑滑嘅cream非常夾。 雙重朱古力 $58・面層朱古力脆脆令整個蛋糕口感提升，軟綿綿朱古力戚風蛋糕內層夾雜住香濃朱古力醬，喜愛朱古力的仔仔，食完呢件雙重朱古力蛋糕都話大滿足。