Y Show Tasty (已結業)

同另一半黎左呢度食西餐，一出𨋢就已經被呢度嘅環境吸引左。呢度餐牌選擇眾多，而且價錢相當得宜。我地叫左一杯flavor mojito (strawberry)，冧酒加埋薄荷葉，非常清新，咁熱嘅天氣飲一啖真係好消暑。前菜就叫左香煎鴨肝配雜莓無花果醬。鴨肝煎到外面金黃， 外脆內軟，內面仲係好嫩，好香濃。無花果醬配鵝肝原來係咁合拍，又健康又有創意又好味。主菜就叫左軟殻龍蝦意大利飯，軟殻龍蝦看似好細隻，但其實唔係， 啖啖肉，味道仲好新鮮，我覺得係鎮店之寶。意大利飯亦都都整得得好好，味道濃郁，軟林林嘅意大利飯同濃郁有厚度嘅黑松露雜菌忌廉汁融合，非常正。最後，我地亦叫左朱古力心太軟配雪糕，心太軟流心嘅效果做得好好，朱古力香濃又滑再加上凍冰冰嘅雲呢拿雪糕，係舌頭上嘅幸福，喺味覺上嘅滿足。