盤子工房 (建生商場) (已搬遷) 新店位置

今晚唔知食咩好，一支公，就試下樓下盈豐商場的西餐廳 By The Tray，其實搬左黎咁耐，都無食過呢間嘢，感覺屋村平民商場，隔離就係50蚊碟頭飯茶餐廳，好難吸引到我呢種麻luk佬入去。不過既然昨晚賭波有錢贏，就入去試下。叫左個軟殼蟹黑松露義粉，138蚊，飲埋特飲加2蚊，無加一。坦白講，呢間嘢主要食環境同服務態度。個意粉份量太少，男人未必夠，食完要返屋企補多個杯麵。不過味道就確實係一流的水準，尤其隻軟殼蟹，食落仲有少少海水的鹹味。下次同老婆拍下拖值得再黎一次。