影片
更多
2008-08-04
再一次同一些牛奶聚舊,選擇左呢間cafe,環境唔錯,靜靜地,人唔多,都係一個幾適合傾計既地方。一心想食車厘茄意大利包,可惜賣晒,我諗下次真係要早一點喇!餘下既意大利包係煙肉芝士,同埋蕃茄芝士,又或者甜既肉桂,由於唔特別,最後無點到。我地最後點左雞肉蘑菇西蘭花長通粉、意式多士(6件)配蕃茄紫蘇葉、意大利沙律、蘋果金寶。係食物黎之前,侍應奉上餐包,此餐包非一般喜頓甜餐包,而係熱烘烘既意大利包,唔係好大,只係小小長型一件,不過味道唔錯,外脆內軟,仲有少少紅色唔知係蕃茄定紅椒既配料,幾香!同時有意大利黑醋可配搭。最先黎既係意大利沙律,以生菜襯底,配合好多材料,包括吞拿魚、車厘茄、橄欖、水牛芝士,仲有蒜茸包! 吞拿魚同芝士份子都幾多,不過由於芝士比較漏,而且係一粒粒,其實可以減少一點,其他蔬菜配上清清地既意大利沙律醬,味道不俗。意式多士(6件)配蕃茄紫蘇葉原來都係用意大利包(我地初時以為用法包),面頭係一粒粒蕃茄,微酸,頗醒胃,加上一片紫蘇葉,有香口既效果,係一道清新既小食。不過一碟有六件,都好夠份量架!雞肉蘑菇西蘭花長通粉要等既時間比較耐,雞肉好大件,真材實料,可惜蘑菇只有幾粒, 西蘭花只有幾
一心想食車厘茄意大利包,可惜賣晒,我諗下次真係要早一點喇!餘下既意大利包係煙肉芝士,同埋蕃茄芝士,又或者甜既肉桂,由於唔特別,最後無點到。
我地最後點左雞肉蘑菇西蘭花長通粉、意式多士(6件)配蕃茄紫蘇葉、意大利沙律、蘋果金寶。
係食物黎之前,侍應奉上餐包,此餐包非一般喜頓甜餐包,而係熱烘烘既意大利包,唔係好大,只係小小長型一件,不過味道唔錯,外脆內軟,仲有少少紅色唔知係蕃茄定紅椒既配料,幾香!同時有意大利黑醋可配搭。
最先黎既係意大利沙律,以生菜襯底,配合好多材料,包括吞拿魚、車厘茄、橄欖、水牛芝士,仲有蒜茸包! 吞拿魚同芝士份子都幾多,不過由於芝士比較漏,而且係一粒粒,其實可以減少一點,其他蔬菜配上清清地既意大利沙律醬,味道不俗。
意式多士(6件)配蕃茄紫蘇葉原來都係用意大利包(我地初時以為用法包),面頭係一粒粒蕃茄,微酸,頗醒胃,加上一片紫蘇葉,有香口既效果,係一道清新既小食。不過一碟有六件,都好夠份量架!
雞肉蘑菇西蘭花長通粉要等既時間比較耐,雞肉好大件,真材實料,可惜蘑菇只有幾粒, 西蘭花只有幾件,而且全部size好細,呢點唔係太好,個忌廉汁有點特別,唔係白色,係略帶龍蝦肉色,都幾好味,但係整得太杰,而且太多,宜改善一下。
至於蘋果金寶,坦白講,係唔合格,個批皮好厚,好怪,蘋果好濕,無乜蘋果味,連肉桂味都唔出,食落又食到少少似蛋糕同布甸之間質感既野,面頭又奇怪地加上合桃,無脆脆既crumble,唔夠香口,唔夠味道,唔建議大家試。
服務方面,個女侍應好得,因為有問必答,而且答十分仔細,,可令客人了解每道菜既材料同份量等;另一個男侍應就唔係好得,斟水時倒瀉水,整到我面前濕晒一大片,其後收碟時唔小心將叉跌落地下,叉上既汁唔止整污糟地下,仲彈左上我隻腳,激死!
张贴