文記車仔麵 (福榮街)

营业中

休息中

當初係想去深水埗街邊檔車仔麵一試，點知見隔黎間文記好多人排隊d野食望落又吸引d，就改變主意食文記，從此文記就變成我同男友經常會食嘅車仔麵店。今日我如常叫左瑞士雞翼丶豬大腸丶齋麵根、麻辣笋絲加河粉。<瑞士雞翼>睇落去脹卜卜，已經好想食，唔會好似外面有d雞翼煮耐左好扁好乾，食落去都好嫩滑唔乾，味道都幾好。<豬大腸>唔係大大圈外皮皺皺比較厚個種豬大腸，而係外皮簿簿地有少少嚼口，裡面有d肥膏。我最鐘意食豬大腸嘅黎個部位，當然覺得好好食。<齋麵根>同<麻辣笋絲>不過不失，係我自己鐘意食嘅配餸。<河粉>我鐘意食簿身嘅河粉，所以我唔係到到都食可粉，因為好多地方嘅河粉都唔夠簿身，但去文記每次都要叫河粉食！後最一定要講下佢地嘅<祕製辣醬>，係我常食文記原因之一，每次都要加多辣，雖然我試過清湯底，都唔會淡夠哂味，但加左辣醬成碗麵更惹味。