一君士多 (已結業)

今日難得可以準時收工,見有少少肚餓,於是同事就問我知唔知邊個鄧一君,我話:知,"記得香蕉成熟時"個波仔嘛,佢話佢就係附近開左間"一君士多",食車仔麵既,咁我地就心思思去睇明星同食野喇。去到真係見到鄧一君,佢個人真係好nice,佢仲介紹我食佢鋪頭最出名既"霸王麵",依個麵有鮑魚,花膠,廣島蠔,花菇同蝦,淨係聽d料都已經無得輸,仲非常足料,價錢仲只係$98,相當之益街坊。我同事就叫左個4餸麵,有牛腩,牛筋,咖哩陳皮魚蛋同炆花菇,d野食煮得非常入味。另外我地又叫左d小食,其中炸蝦餅真係好出色,好食過好多泰國菜館,而一君炸蛋就係炸鵪鶉蛋,都非常特別,唔係好多地方食得到,值得推介。