影片
更多
2022-05-13
91 浏览
恢復晚市堂食嘅第一餐，book 到第三間先有位，可想而知香港人幾咁渴求出街食晚飯😂。先送嚟開胃薄脆小食，可點千島醬一齊食，甜甜酸酸，唔錯。餐湯南瓜湯淡咗少少，田園沙律正正常常，稍為特別係面頭有幾粒芒果味爆珠，甜甜哋，幾得意。法式紅酒燴牛肋條份量唔少，個汁味道正常，但紅酒味唔突出，牛肋條亦唔算好入味，可以再煮腍少少。反而薯蓉幾好食，有濃濃黑松露味。DIY pasta set，即係車仔 pasta，醬汁，粉類同配料全部自選，我哋揀咗香草汁大啡菇蝦肉扁意粉。除咗揀咗嘅配料，意粉入面仲有露筍，甜椒同車厘茄，好豐富。香草汁唔算好濃，但味道都唔錯，我覺得合格有餘。加 $1 叫埋甜品，係個的的骰骰嘅 Tiramisu，芝士味好濃，相對咖啡味唔突出，蛋糕亦較乾身，唔係我鍾意嘅口味，但 $1 嚟講，其實冇咩好挑剔。食飽落街行陣，成個銅鑼灣比之前多人，終於可以感受到久違嘅歡樂氣氛。
先送嚟開胃薄脆小食，可點千島醬一齊食，甜甜酸酸，唔錯。餐湯南瓜湯淡咗少少，田園沙律正正常常，稍為特別係面頭有幾粒芒果味爆珠，甜甜哋，幾得意。
法式紅酒燴牛肋條份量唔少，個汁味道正常，但紅酒味唔突出，牛肋條亦唔算好入味，可以再煮腍少少。反而薯蓉幾好食，有濃濃黑松露味。
DIY pasta set，即係車仔 pasta，醬汁，粉類同配料全部自選，我哋揀咗香草汁大啡菇蝦肉扁意粉。除咗揀咗嘅配料，意粉入面仲有露筍，甜椒同車厘茄，好豐富。香草汁唔算好濃，但味道都唔錯，我覺得合格有餘。
加 $1 叫埋甜品，係個的的骰骰嘅 Tiramisu，芝士味好濃，相對咖啡味唔突出，蛋糕亦較乾身，唔係我鍾意嘅口味，但 $1 嚟講，其實冇咩好挑剔。
食飽落街行陣，成個銅鑼灣比之前多人，終於可以感受到久違嘅歡樂氣氛。
张贴
