孖寶車仔麵

先唔講啲餸，啲米線碎嘅，夾都夾唔起，又冧俾老人家食絕對冇問題，但係正常人食就會覺得完全冇口感。啲魚蛋有浸餲味，可能浸隔夜，甚至更長時間，啲牛腩碎到不得了，肥膏又多，啲牛筋硬過我條命，完全唔明白點解可以喺葵芳屹立不倒咁多年，可能係我唔識食，葵芳居民唔值得擁有一間咁出色嘅車仔麵，都係快啲結業。食評寫到呢度其實差唔多，不過OpenRice逼人哋200字先可以俾劣評，所以寫多少少，咁服務態度方面，正正常常一間小店咁嘅質素。