影片
更多
2010-04-03
8 浏览
忙裡偷閒, 一行4人到訪柏景餐廳食返個75折既lunch buffet, 揀呢度係因為見到Open Rice既排行榜同埋comments! 唔理三七廿一, 先食少量海鮮打頭陣, 翡翠螺, 青口, 瀨尿蝦等等, 款式以午餐黎講算多且應有盡有, 質量亦都唔差, 新鮮同埋大大舊! 食完凍盤, 諗住飲碗湯暖下肚啦, 見到有款叫做”菠蘿雞酸湯”,原來係越式食物, 於是試左少量! 熱氣蒸上黎, 聞到陣陣酸酸地既菠蘿味, 而湯入面仲有mushroom同埋雞粒, 好新鮮+開胃! 繼續食凍野! 呢度既餐廳既壽司款式真係幾多, 卷物都有4-5款, 魚生係即叫即切, 包冇乾啦! 另外我仲揀左d火腿凍肉,都 唔差既~係湯既對面有個類似粉麵檔的東西, 見到有我好鍾意食既越南檬粉, 餐廳提供左扎肉, 椒絲, 花生, 炸蒜, 各式香料俾你自己落自己加, 又幾得意喎, 我梗係要會一會, 自製獨一無二既越南檬粉啦! 覺得餐廳幾有誠意, 將d配料分開, 等客人可以落d自己鍾意既, 鍾意幾多落幾多, 檬粉食落唔會太乾身, 即係都唔會係擺左好耐啦! 主菜時間到.... 試左少量星洲炒米, 豬軟骨, 又係特式既啤酒魚, 雖然平
唔理三七廿一, 先食少量海鮮打頭陣, 翡翠螺, 青口, 瀨尿蝦等等, 款式以午餐黎講算多且應有盡有, 質量亦都唔差, 新鮮同埋大大舊!
食完凍盤, 諗住飲碗湯暖下肚啦, 見到有款叫做”菠蘿雞酸湯”,原來係越式食物, 於是試左少量! 熱氣蒸上黎, 聞到陣陣酸酸地既菠蘿味, 而湯入面仲有mushroom同埋雞粒, 好新鮮+開胃!
繼續食凍野! 呢度既餐廳既壽司款式真係幾多, 卷物都有4-5款, 魚生係即叫即切, 包冇乾啦! 另外我仲揀左d火腿凍肉,都 唔差既~
係湯既對面有個類似粉麵檔的東西, 見到有我好鍾意食既越南檬粉, 餐廳提供左扎肉, 椒絲, 花生, 炸蒜, 各式香料俾你自己落自己加, 又幾得意喎, 我梗係要會一會, 自製獨一無二既越南檬粉啦! 覺得餐廳幾有誠意, 將d配料分開, 等客人可以落d自己鍾意既, 鍾意幾多落幾多, 檬粉食落唔會太乾身, 即係都唔會係擺左好耐啦!
主菜時間到.... 試左少量星洲炒米, 豬軟骨, 又係特式既啤酒魚, 雖然平時唔好啤酒, 但個魚食落都ok, 起碼唔會”鞋”, 啤酒味都唔算濃. , 接受到啦。 另外有d點心, 我食左2粒魚翅餃, 係見全師傅即包即蒸, 硬係覺得好d既!
食到咁上下, 輪都輪到食甜品啦! 由於餐廳主題係越法既關係, 連d甜品都越式過人! 諗都冇諗過香茅可以用黎做甜品呀! 但係個白酒香茅啫喱又確係唔錯, 入面仲有幾粒酸酸的berries, 喜出望外; 香茅仲俾呢度既師傅加埋朱古力做左款蛋糕, 外層係朱古力, 內層切開有層黃色既cream狀物體, 或者朱古力味濃, 未會被白茅搶去味道, 好創新! 除此之外, 呢度有Aussie Lamington tim, 如海綿蛋糕既滲了朱古力汁, 外層係椰絲, 口感有層次; 另外仲試埋香蕉百旺香撻, 從未食過既口味! 呢度既甜品不但賣相唔差, 同埋有一定水準。
大戰過後, 係時候捧住個肚肚走! 75折賣單, 每人$150都唔洗, 抵啦! 走既時候仲聽到有位waitress話呢排dinner buffet 仲有任食幾款雪糕, 睇怕我都要宣佈破產啦!
张贴
