影片
更多
2016-11-26
3993 浏览
大埔真係一個幾好的地方，博物館同歷史建築都好就腳，離開火車站之後，唔洗點轉車，幾都行到去。呢日想去「慧食堂」食野，順便去遊覽下歷史建築物。「慧食堂」坐落在「綠匯學院」(前身係建於1899年的「舊大埔警署」，2010年由嘉道理農場同港府合作的活化項目)建築群內，提倡低碳、可持續、惜食，智慧飲食等原則。要去「綠匯學苑」其實好容易，大埔火車站A出口(新達廣場)，向(右)麗雅花園方向行，達運街有條行人隧道(無咩人行)，穿過隧道，會見到有個「春暉園」的扁額即係「運頭角遊樂場」，拾級而上，然後一路向前行走出去公園，就會見到一條山路斜路，按有「綠匯學院」路牌指示，前行50米左邊就到，非常方便。(甘行由火車站行去只需5分鐘)。前往呢度都緊記要留意開放時間(最好上網查下先)，10am開門，5pm關門，但4pm就截人。走入「綠匯學院」，要先去「訪客中心」作登記，然後職員會簡單介紹一下歷史、背景、理念、守則，同餐廳、展館等位置。大埔舊警署昔日照片同介紹。離開訪客中心前行轉右，會見到一片草地(香草園)，後面就係「慧食堂」。推開木門同紗門，就係餐廳。餐廳裝修佈置揉合中西，自助形式點餐。是日午餐有八款菜式(不包飲
「慧食堂」坐落在「綠匯學院」(前身係建於1899年的「舊大埔警署」，2010年由嘉道理農場同港府合作的活化項目)建築群內，提倡低碳、可持續、惜食，智慧飲食等原則。
要去「綠匯學苑」其實好容易，大埔火車站A出口(新達廣場)，向(右)麗雅花園方向行，達運街有條行人隧道(無咩人行)，穿過隧道，會見到有個「春暉園」的扁額即係「運頭角遊樂場」，拾級而上，然後一路向前行走出去公園，就會見到一條山路斜路，按有「綠匯學院」路牌指示，前行50米左邊就到，非常方便。(甘行由火車站行去只需5分鐘)。
前往呢度都緊記要留意開放時間(最好上網查下先)，10am開門，5pm關門，但4pm就截人。
走入「綠匯學院」，要先去「訪客中心」作登記，然後職員會簡單介紹一下歷史、背景、理念、守則，同餐廳、展館等位置。
大埔舊警署昔日照片同介紹。
離開訪客中心前行轉右，會見到一片草地(香草園)，後面就係「慧食堂」。推開木門同紗門，就係餐廳。餐廳裝修佈置揉合中西，自助形式點餐。
是日午餐有八款菜式(不包飲品)，價錢方面，選四款$60，三款$45，單點$17。另有甜品及飲品。
點完餐，俾錢，自己取餐具。
而呢度last order係3:30pm，收4pm，需留意。
枱上面menu除左有推介食物，仲有介紹餐廳理念。
選左4個菜式$60。1)「香料紅扁豆濃湯」：D D 暖，好香濃香準味，豆蓉亦好多，好有印度的豆湯風味，但係極少調味，除非係食慣好organic可以接受徹底的食物原味，同埋唔怕香料的人，如果唔係未必接受到。我食野都可以幾淡口味，但呢個湯我都覺得係無味，放番多少少海鹽會好D。
2) 「鷹嘴豆煎餅」: 唔熱，凍。三件中有塊燶左D，另外兩塊又無甘燶 ，反映出控制火力唔係太好。鷹嘴豆煎餅size比較細，幾香香草味，唔算太乾(如果食唔慣中東鷹嘴豆煎餅就唔建議叫)，點埋醬幾好食。
3) 「綠匯燕麥青菜」：油麥菜，有落豆豉，油份充足，爽口，夠味。
4) 「香料黃薑糙米飯」：份量比想像中多，好香黃薑味，但飯唔係太暖身，亦好乾，糙米未做到爆米效果(即係咬到外面層糙米皮「bob」然後再咬落去米身煙韌果種)。麻麻地。
「嘉道理農場有機洛神花茶」$25：好多時在餐廳飲到的洛神花茶都太濃、太酸，好過火。呢度洛神花茶比較清淡，微酸而帶清甜，唔錯。
「青檸薑批」$30：size比較少，批身好薄，用果仁碎做批底。青檸味濃，帶酸，薑味也重，咬啖見到一絲絲好幼細薑絲，批身偏軟，算okay。
呢度鼓勵食客自行將用餐後餐具、廚餘放到餐廳內回收站，並且分類。
餐廳外亦有擺放枱凳，估如果天氣好室外用餐都不錯。不過，我就未必會再過黎食野喇。
離開餐廳之後，可以參觀埋其他部份。
展館內介紹大埔居民生活。
题外话/补充资料：
以$105的價錢黎講，食物質素真係唔算係好值，呢度同「港嘢」比，「港嘢」更勝一籌。唔知點解，真係好味的社企餐廳真係比較少。如果要我水長遠特登黎，我真係會喊曬口。好在我住得近，又係完全無期望下甘過黎，呢度野食so far so good啦! 如果只係食下cake，飲杯野，歇下甘，都ok的。
(以上食记乃用户个人意见 , 并不代表OpenRice之观点。)
张贴
