影片
更多
2010-08-22
123 浏览
印象中，呢間小店應該有十幾年歷史，十年前幫襯時感覺麻麻，因為味道真係唔得，所以絕少光顧。約6至7年前，附近開了一間家樂米線，這小店更被打得落花流水，門庭冷清得可憐。不過，路遙知馬力，自從少奶幾年發現這店的麵食味道大大改善，我們便成為了他們的常客，而他們的生意也好了很多。點解鍾意呢度？因為車仔麵選擇多，又可以食多d蔬菜，健康d囉。蘿蔔和菜是必選的，其他的選擇包括魚皮頭、豬皮和豬紅、豬腸等。基本上都係d簡簡單單的例牌餸，但都煮得入幾味。豬手也算冧和入味，不過處理得不太乾淨，豬皮上仍有些豬毛。價錢也算抵，$25有三餸麵連冷熱飲品，每款餸的數量也算多，下午茶時段仲平一蚊。我同少奶最鍾意就係每人要一個三餸麵，然後交換，咁就變左六餸麵啦。服務方面，典型街坊小店，當然不要苛求，但講真，老闆兩公婆的態度真係唔錯，從未見過佢地對客人不敬。有次有兩母子光顧，餐牌都唔睇就亂咁點餸，又要雲吞又要腐皮卷，老闆話無，但呢位媽咪仲要聲大大咁指住d魚皮餃話：「呢d唔係雲吞咩？」但老闆都好好聲氣話佢知呢d係魚皮餃。人地餐牌大大隻字寫住罐裝汽水要加一蚊，呢兩母子要了罐汽水又問老闆點解貴左一蚊。不過，老闆都無話不耐煩，全程
點解鍾意呢度？因為車仔麵選擇多，又可以食多d蔬菜，健康d囉。蘿蔔和菜是必選的，其他的選擇包括魚皮頭、豬皮和豬紅、豬腸等。基本上都係d簡簡單單的例牌餸，但都煮得入幾味。豬手也算冧和入味，不過處理得不太乾淨，豬皮上仍有些豬毛。價錢也算抵，$25有三餸麵連冷熱飲品，每款餸的數量也算多，下午茶時段仲平一蚊。我同少奶最鍾意就係每人要一個三餸麵，然後交換，咁就變左六餸麵啦。
服務方面，典型街坊小店，當然不要苛求，但講真，老闆兩公婆的態度真係唔錯，從未見過佢地對客人不敬。有次有兩母子光顧，餐牌都唔睇就亂咁點餸，又要雲吞又要腐皮卷，老闆話無，但呢位媽咪仲要聲大大咁指住d魚皮餃話：「呢d唔係雲吞咩？」但老闆都好好聲氣話佢知呢d係魚皮餃。人地餐牌大大隻字寫住罐裝汽水要加一蚊，呢兩母子要了罐汽水又問老闆點解貴左一蚊。不過，老闆都無話不耐煩，全程都好有禮貎。呢d態度，好多後生仔都比唔上啦。
衛生方面，舖內的枱椅和筷子都算乾淨。但車仔麵又名拿渣麵，咁你就知道呢度有幾乾淨啦。間中有d烏蠅蚊滋飛過係好平常。有次我和少奶的枱旁放了一大筒解凍中的牛腩，另加一箱不斷滲出血水的凍肉，仲隱約傳來陣陣腥味。我地呢d常客就見怪不怪，亦從來未試過食完唔舒服。講真，如果你真係好怕污糟就真係唔好黎啦，但如果你只求大件夾抵食，呢度應該滿足到你。
张贴
