影片
更多
2018-11-07
74 浏览
上星期放工喺元洲街的馬會投注站買左張六合彩飛，順便喺附近食埋晚飯先返屋企。行到去昌華街見到呢間店唔使排隊，於是入左去醫肚。呢度地方都算舒適企理，仲有個靚女老闆娘幫你落單𠻹！一個人點左個＂麻醬青瓜冷麵＂加一杯叫＂羅漢果野生靈芝＂嘅特飲，再叫左兩個小食（糖心蛋丶涼伴青瓜）𠻹！糖心蛋🥚一分為二，入面橙黃色嘅蛋黃好似想流出黎咁，一啖半隻，幾好味道。仲有個＂涼伴青瓜非常爽脆醒胃，食完好想叫多一碟!呢度個＂麻醬青瓜雞絲冷麵＂份量好充足，如果我係女仔實食唔哂，胡麻醬加埋清甜爽脆嘅青瓜絲同冷麵一齊食，非常之夾。好彩呢間店個冷麵唔會淥得太腍，如果唔係就會影響口感!再加多杯＂羅漢果靈芝茶＂，清熱解毒，最適合我呢D＂毒＂男飲用，飲完即刻＂毒＂氣全消！^..^呢度價錢大眾化，小食又抵食（糖心蛋$9），下次落開投注站再過嚟幫襯！
呢度地方都算舒適企理，仲有個靚女老闆娘幫你落單𠻹！一個人點左個＂麻醬青瓜冷麵＂加一杯叫＂羅漢果野生靈芝＂嘅特飲，再叫左兩個小食（糖心蛋丶涼伴青瓜）𠻹！
糖心蛋🥚一分為二，入面橙黃色嘅蛋黃好似想流出黎咁，一啖半隻，幾好味道。仲有個＂涼伴青瓜非常爽脆醒胃，食完好想叫多一碟!
呢度個＂麻醬青瓜雞絲冷麵＂份量好充足，如果我係女仔實食唔哂，胡麻醬加埋清甜爽脆嘅青瓜絲同冷麵一齊食，非常之夾。好彩呢間店個冷麵唔會淥得太腍，如果唔係就會影響口感!
再加多杯＂羅漢果靈芝茶＂，清熱解毒，最適合我呢D＂毒＂男飲用，飲完即刻＂毒＂氣全消！^..^
呢度價錢大眾化，小食又抵食（糖心蛋$9），下次落開投注站再過嚟幫襯！
张贴
