海景粥店茶餐廳 (已結業)

經過附近搵地方食午餐， 今次就不如試下海景粥店啦！ 點了餐廳的蝦米腸粉，豬潤粥，茄汁煎雙蛋雞扒飯，熱奶茶。 蝦米腸粉好大碟，但是唔夠熱，腸粉皮厚身唔夠滑！ 但係要讚下佢哋的豬潤粥，食粥最緊要就係睇個粥底，海景嘅粥底做得夠綿， 豬潤份量十足，質地爽口唔硬身， 仲要好大碗一個人食唔曬！ 另外茄汁煎雙蛋雞扒飯， 味道正常可以接受， 奶茶亦算唔錯！見到餐牌上有很多唔同種類的粥選擇， 還有各式各樣的粉麵和小食！ 座位亦光猛舒適， 食具都算乾淨整潔。