Coffee Obsession

营业中

休息中

琴日朝早俾日本語研究會，編左去北角城中心考日本語能力試。因為都好少過黎炮台山，所以，考完就周圍行下。行行下，路過呢一間裝修以黑白色為主調既咖啡店，因為實在睇落幾吸引幾突出，所以就望多兩眼。可能裏面既職員(定係老闆之一？)見我望多左兩眼，所以就出黎推介一下佢地既咖啡。聽完簡單講解，就叫左杯最最普通既Black Coffee試下，估唔到咁好飲咁正。本身唔算好識飲咖啡，但都幾經常飲黑啡。好多咖啡店嘅黑啡，一係淨係飲到咖啡香味，一係果香味對黎講太重。呢間既Black Coffee，既有好濃既咖啡味道，仲有好濃郁而多層次既果香(，又唔會太重水果味，出奇地好飲。聽其講解，普通Black Coffee用哥倫比亞豆。還有另一類用埃塞俄比亞豆。埃塞俄比亞豆會有更濃厚既果香味，適合不同嘅咖啡愛好者。至於我就非常推薦其Black Coffee。