新仙清湯腩咖哩專門店 (已結業)

是日接左女朋友放工，本來諗住去新仙對面間九記食，但女朋友話聽好多同事都話新仙清湯腩好好食，好，就一於試下，行到門口，嘩，乜原來係入選左米芝蓮架，真係睇唔出，因為門口望入去，好一般嘅粉麵茶記feel,坐底睇下個餐牌，一睇就比個蝦子撈麵吸引左，唔洗諗，就叫左個蝦子清湯腩撈，揀左個半肥瘦，女朋友就叫左個咖哩三寶（牛腩，牛舌，牛肚）中辣只係幾分鐘後，咖哩飯黎啦，一食落口，錯晒，太濃味了，咖哩味太濃了，完全蓋過牛腩味道，但用黎撈飯食就一流！總算合格，因為牛腩真係好正，好好食而我食果個蝦子清湯腩撈麵，十分滿分我會比十分，因為蝦子份量足，基孚每啖都食到蝦子，而牛腩真係好淋好好食！絕對值得入選米芝蓮！另外一提，雖然飯／麵價錢較為貴，但份量亦足夠！