深燒酒 (已結業)

唔係好肚餓又唔知食咩好，於是打算由銅鑼灣行過去灣仔度搵食，行行下見到有燒肉，停下來望望餐牌，都唔貴（而且唔餓）便進去試試。可能時間尚早，入去時只得一兩枱客人，亦只有一位侍應，不過他與其後見的那位都非常有禮貌！值得一讚！本身打算食少少，點知越叫越多，唔飲啤酒都飲左兩罐汽水🤭🤭食物方面，品質很平均，我最愛是那個辣味東風螺公仔麵，小妹唔食得辣都被它吸引😌😌 牛油粟米也好好吃😋😋若要數最不喜歡，就是那香草雞膇，就是隨便加入香草在上面然後燒，沒特別呢⋯⋯埋單每人不用四百，但吃得非常滿足！