肉餅哥小炒料理 (已結業)

見食評講到好正，一直好想試呢間店，今次終於專程去試。好彩夠早到，完全唔駛等位。

或者期望過高，食完難免失望。是日兩人分別叫左佰幾蚊嘅龍蝦肉餅同幾十蚊嘅土魷肉餅，講真，絕對唔特別，無話特別好食，同其他茶記質素差唔多，份量亦同一般無咩分別，唔明點解咁多好評。

最突出嘅反而係服務，大部分職員落單，上菜時都係黑口黑面，令人相當唔舒服。店內播放歌曲嘅聲浪亦太大，很吵耳。長條形無背靠嘅座椅亦座得唔太舒服。

唯一要讚嘅係個原盅燉湯，味道唔錯亦唔貴。

總結如題，試一次夠晒，仲要係唔駛等位先好試。