天丼てんや

营业中

休息中

初初聽到話過江龍天婦羅店係青衣開，其實覺得好奇怪，因為青衣實在偏遠，遠離市中心，作為過江龍明明聲勢浩大，點解會揀呢d山卡啦位置？相信租金影響最大。難得有機會黎到青衣，當然想幫襯下啦，周末約七點開始排隊，等左九個字終於入到去，好快落完order，又好快上菜。上菜時天婦羅夠晒熱，配合醬汁特別惹味。本身自己係鐘意食好多醬汁嘅，所以覺得可以再落番多一d。至於面鼓湯，亦唔錯。我唔知喺庵尖嘅香港人眼中算唔算好（最近幾間日本過江龍都被香港人執意挑剔到體無完膚），但我自己感覺好食喎，真心想佢開返多d分店喺旺區方便大家，同埋提供外賣。係純粹加一冇乜必要收，始終快餐模式，未加一前價錢都唔算平。