金坊泰國美食

营业中

休息中

🥢例牌星期日都係出街搵嘢食，同男友又去咗路德圍食午餐，今次試咗金坊。🥢記得以前都唔多覺有套餐，見餐牌推介幾個皇牌午餐都幾抵食，叫左海南雞飯同咖喱蟹肉飯。🥢海南雞飯$58，好大碟，份量好多，我差啲食唔晒，而海南雞都好多件，肉質同雞味都算幾好，不過美中不足嘅係醬汁只有一款，我都係鍾意傳統三款醬。🥢蟹肉咖喱飯$60 ，呢碟真係好有驚喜，賣相好靚，表面啖啖蟹肉，個咖喱醬勁好味👍🏼，少少甜甜地，一啲都唔辣，成碟飯俾我哋清晒。🥢我哋食食吓餐廳職員走過來問我哋要唔要湯，可以揀冬陰功湯或者冬瓜湯，我哋揀咗兩碗冬陰功湯。湯料都好多，又唔會好辣，飲完好開胃。🥢午市套餐黎講係真係抵食既，野飲都係例牌嗰啲。