越味皇 (已結業)

因為朋友話想食牛油蒜蓉雞翼，我第一時間諗起路得圍有一間平民越南餐廳——越味皇。餐廳裝修清新簡潔，天花吊咗好多草帽作裝飾，充滿越南風情。由於晩餐時間，我同朋友二人入座時，餐廳已經坐滿客人。要讚一下服務員態度幾好，落單快，上菜亦快。牛油蒜蓉雞翼（四隻)$40雞翼肥大多汁，滿滿蒜蓉牛油香，酥炸成金黃色，連朋友第一次食都話真係無得輸！正！鮮蝦米紙卷$48呢個米紙卷做得不錯，皮薄，包得唔厚而且幾足料！有鮮蝦、蘿蔔絲、米粉、青瓜，配埋個越南魚露食，酸酸甜甜，夠曬fresh，可中和一下雞翼嘅熱氣感覺。越式豬耳札肉$50扎肉加上脆口嘅豬耳，都幾夾，係開胃嘅小食。火車頭湯河$68湯底好夠味，河粉夠滑，而且都幾大碗下，份量好足！第一啖試下個湯底，清甜帶肉味既湯底，無味精，好飲。除咗牛肉、牛丸及牛柏葉外，加上芽菜同生洋蔥，口感更豐富，有多層次既口感同味道。熱鹹檸桔水$10雖然無咩特別，但$10一杯，算抵飲。兩人晚餐食咁多野，平均每人都係$110，好扺食，而且飽到抱著個肚腩走。