影片
更多
2015-05-13
1390 浏览
係網上搜尋到此間人氣拉麵店，仲要話係豬骨湯之王，當然黎試試啦 ﹗稱中環總店超多人但最好味，不過今晚唔順路，我都係揀九龍區喇，方便好多。做好資料搜集，知道此拉麵店只有獨孤一味叉燒麵供應，配有四款人氣湯底，已經夠做喇 ﹗第一次黎食都幾難搵，原來係路之盡頭。麵店規定未齊人不能入坐，咁我唯有係門外食住風等埋朋友先啦。現在 18:30，店內仍有大量坐位呢。近來太忙少左四圍搵好野食，未去銅鑼灣一蘭朝聖前先近近地尖沙咀豚王，唔洗過海麻。鎮店之寶，四款豬骨湯底，豚王特濃豬骨湯、黑王墨魚汁湯、赤王辛辣湯、翠王橄欖油湯。差不多到約定時間 18:45，但朋友仍未到，唯有揀左食物先。見入面坐位已滿，開始越來越多人排隊喇！有部份食客齊人可以先入坐，遲黎先上岸，已經開緊餐添，餓餓餓。我最愛辣，第一次幫襯先黎個辣豚王。辣度有 10 級喎，雖然 order 紙建議第一次食 1，但我都係決定試 3 先，已經好保守架喇。網上食評話超硬麵都只係一般硬，我就試吓有幾硬。特濃湯、普通調味及香料，Good ﹗但怕唔夠飽，再加底、加蛋、加叉燒、加紫菜，走蔥，哈哈！期待。終於可以入座喇，朋友終於都到喇！已經 19:25，好采等左差不
係網上搜尋到此間人氣拉麵店，仲要話係豬骨湯之王，當然黎試試啦 ﹗稱中環總店超多人但最好味，不過今晚唔順路，我都係揀九龍區喇，方便好多。
做好資料搜集，知道此拉麵店只有獨孤一味叉燒麵供應，配有四款人氣湯底，已經夠做喇 ﹗第一次黎食都幾難搵，原來係路之盡頭。
麵店規定未齊人不能入坐，咁我唯有係門外食住風等埋朋友先啦。現在 18:30，店內仍有大量坐位呢。近來太忙少左四圍搵好野食，未去銅鑼灣一蘭朝聖前先近近地尖沙咀豚王，唔洗過海麻。
鎮店之寶，四款豬骨湯底，豚王特濃豬骨湯、黑王墨魚汁湯、赤王辛辣湯、翠王橄欖油湯。
差不多到約定時間 18:45，但朋友仍未到，唯有揀左食物先。見入面坐位已滿，開始越來越多人排隊喇！有部份食客齊人可以先入坐，遲黎先上岸，已經開緊餐添，餓餓餓。我最愛辣，第一次幫襯先黎個辣豚王。辣度有 10 級喎，雖然 order 紙建議第一次食 1，但我都係決定試 3 先，已經好保守架喇。網上食評話超硬麵都只係一般硬，我就試吓有幾硬。特濃湯、普通調味及香料，Good ﹗但怕唔夠飽，再加底、加蛋、加叉燒、加紫菜，走蔥，哈哈！期待。
終於可以入座喇，朋友終於都到喇！已經 19:25，好采等左差不多成個鐘咁耐，都未令我情緒高漲啫，不過一次夠喇。現在仍然好期待今晚碗麵會點呢？坐低望望發現枱面有醃芽菜、醃野菜、辛辣粉，還有即磨芝麻供應添。
碗拉麵未到，但附加既叉燒同紫菜就首先上枱。紫菜索湯一流，濕潤又軟棉棉，充滿湯汁送入口中，香濃既湯汁帶著淡淡紫菜味，超爽呀！叉燒過為纖瘦且薄，半黑油脂也沒有，但不乏肉汁，口感都夠軟，清淡既豬肉味，不錯不錯，合格。
赤王叉燒濃湯辣度 3 配超硬幼麵走蔥加叉燒紫菜半熟蛋，我無要木耳架喎，送架？紅卜卜唔洗驚，顏色黎架啫，撈混飲啖湯先。少辣帶淡淡麻油香及豬骨湯味道，好香濃，好濃郁，濃而不嗆不濁，非常好﹗辣肉碎豬肉夠香，有趙口而帶肉汁又醃入味，好好味 ﹗
超硬幼麵，第一次見面但似層相識，有點似我老友蝦籽麵噃，大大力咬啖試試！口感好正，嚥韌彈牙我鍾意，比蝦籽麵更結實更有趙口及彈力！掛湯力超強，像瀑布一般樣將湯汁全數送入口中。不知是否因為硬麵比較乾身而水份少，可以帶更多湯汁呢？熱辣辣不停咁食，太好味，只係不停咁食，停不了！依碗麵已經加左底架喇，但我未食完又想再叫多一碗，我絕對係個麵精！就連朋友仔一向都細食，食食吓佢都忍唔住要求加麵先夠喉添呢！
半熟蛋，溫度有點冰冷，放係湯裡面浸到暖暖地先再 knock down 佢會更美味呢！外層有點點煙燻香味帶醬油味道，流心蛋蛋黃味甘香濃郁，蛋白滑溜，整隻放入口咬破爆醬感覺超爽，好味道！未食完已計劃下次再到訪試埋其他味道呢。
张贴
