食之坊 (已結業)

十年都唔去一次火炭，難得去到，時間又夾到，就試試打電話約在附近返工的文廸食午飯。去到佢地頭，食咩梗係由人家話事，由她引路去到一快餐店食。望了幾眼餐牌，我選了燒汁雞扒烏冬，明明張單都是這樣寫，結果出來是豬扒。不過唔緊要，照食可也，烏冬是現成貨，無用多說，豬扒勝在幾鬆化，碗內還有不少粟米粒及芽菜，都可以接受了，畢竟只是三十蚊連飲品的貨色。試了對方一件叉燒，估唔到又幾好，鬆化好吃，聽文廸講呢間快餐同隔離的酒家屬同一集團，燒味在酒家那邊做，所以水準唔會太差，難怪。飲埋杯熱檸檬茶，又再各有各忙。