越味皇 (已結業)

要襯得閒少少嘅時間約下朋友，如果唔係會比朋友鬧咁就梗係就朋友location啦～如果唔係我都好少黎荃灣呢頭食野。等我跟住呢個地頭蟲去揾食先～呢排返工日日都食大家樂，可以食返D唔係中式嘅菜式真係好感動～一打開menu就比呢個蕃茄蟹頭膏湯檬吸引左～一聽就係勁濃郁嘅湯底食落出奇地唔會太漏又可以享受到膏嘅香味，我地唔覺唔覺就飲左勁多湯。餸就有扎肉同埋一種唔知叫咩嘅丸，每樣兩件岩岩好分到。想食小食嘅我地只係叫左一個麵，其他都係小食。燒雞串有3條，雞唔會燒到好乾，大大舊唔會好縮水，有個花生香嘅醬點，好似係東南亞嘅串燒都係點呢個醬。不過我覺得個醬稍稍濃左D，點得太多反而有少少蓋過左原本嘅串燒嘅香味，點少少就岩岩好。本身想叫個三五知己嘅米紙卷食，但可惜我地得2個人，冇三五知己一齊分享，所以就揀左個牛油果軟殼蟹米紙卷。一碟有6件，驚喜地係我冇係米紙卷入面食到平時會放係米紙卷入面個種香葉，因為我真係幾怕個陣味，每次都要夾返出黎。牛油果比我想像中多，夾埋稍稍煙un嘅米紙卷口感幾得意，牛油果控岩晒～軟殻蟹稍稍軟左，如果脆脆地會更正～呢個牛油蒜蓉雞翼我見menu上勁多like,咁就試下啦～抵讚嘅係雞翼係新鮮炸