寶哥味館 (已結業)

有個青梅竹馬嘅死黨喺美國返嚟,諗住喺屋企整餐勁嘅同佢洗塵,真係好心著雷劈，佢話咪鬼煩,出街食乾手淨腳!好!慳番!落樓行到竹園附近(一向幫襯開竹園),見到開咗間新嘢,一于走入去試吓,噢!原來純火鍋,不設小菜,朋友話無所謂,宜家火鍋都無分春夏秋冬,好!坐低叫嘢食,d伙記介紹鴛鴦鍋(鯊魚骨猴頭菇拼立魚湯底),先嚟和牛一碟,手切牛一碟,牛一碟,咦!得喎!各有特式嘅牛,和牛軟滑甘香,手切牛味濃郁,牛脆口鮮甜,三條友嘭嘭聲清碟,再嚟四寶丸,大魚鰾,龍躉腩,皇帝菜,薯仔麵，整體水準都唔錯，飲飽食醉埋單一千零幾............貴d!但物有所值!