上海弄堂菜肉餛飩 (綿發街)

营业中

休息中

最近黎左跑馬地呢頭探朋友，發現左呢間上海菜都幾驚喜一入去舖頭就好有上海嘅風味，尤其是啲職員我去嘅時候係夜晚7點幾，冇乜人堂食但就好多人黎買外賣。葱油撈麵，老實講其實我一次都冇食過，純粹係響menu度見倒有個手指公推介所以先叫嫁咋。最多都係食過即食果啲，所以一見倒咁多葱我都打左個突。一伸隻筷子落去撈嘅時候索索聲，原來啲葱係炸過嫁，個麵好香，雖然係葱油撈，但一啲都唔油膩。旁邊有提供辣醬，我覺得加左辣醬更加嘢味。菜肉餛飩，唔知道上海餛飩同我平時食開啲雲吞係咪唔同嫁呢，呢個餛飩睇落有啲似餃子。入面好多餡料，個皮一啲都唔厚。入面個餡出奇地入味，有小小似萬字醬油嘅味，但係又好香麻油香。小籠包睇落一啲都唔通透，不過食落又唔會覺得個皮好厚，入面出奇地多肉汁，一隻匙羹都唔夠，仲要多到滿瀉食完主菜仲有甜品，陣住層皮都睇倒湯丸入面啲黑芝麻餡有幾多阿！食落滿滿都係黑芝麻餡料好滿足睇得出呢度啲野食全部都好用心做，扺食夾大件。