Gangnam OPPA (已結業)

老婆鍾意韓風, 所以對韓國餐廳特別留意, 佢睇雜誌見旺角開左間以running men做主題既餐廳, 已經成日叫我去, 如果夜晚實要排餐死, 所以今日放假就特登行旺角順便去埋. 揀左下午時間, 諗住會無咁多人, 但都坐左7成, 好彩早D黎.室內有好多關於跑男既怖置, 韓迷可以溶入晒.餐廳響10樓居高臨下, 落地玻璃感覺好開揚.呢度叫侍應比較特別, 係舉牌, 但韓文字其實唔知點解, 另外有D玩具響枱比人邊等邊玩, 幾過癮.前菜落完order就有, 泡菜都幾辣, 粟米甜甜地, 另一種粉紅色係蘿蔔, 酸酸地幾開胃.要左個香甜芝士排骨($288), 份量非常之大碟, 除左主要既排骨同芝士之外, 仲有爐邊蛋, 芝士粟米, 車厘茄, 魚蛋就配料.侍應放低左就幫手開爐, 慢火等芝士溶就可以卷起同排骨一齊食. 韓國芝士比較淡咸同膠狀, 排骨炆得幾腍, 肉質幾嫩唔會起渣, 味道係甜甜地, 加埋芝士幾夾. 慢火爐邊蛋無燶, 入面仲幾滑添.呢個份量十足, 好彩祗要左一款試下, 兩個人啱啱好. 下次再黎要試下炸雞, 年糕.