蔡潤記 (已結業)

有少少失望，呢間鋪以前成日去，自從搬走左就好耐無去過。今日有事做入大埔，諗住試下，失望而回。1. 魚皮粉太多，皮太少，縮晒皮，仲以為食炸粉團2. 粉腸真係完全唔得。有一陣類似火水既化學野味，河粉都還可以3. 老闆娘既態度惡劣依舊。等連食半個鐘多少少，耳仔不停畀佢炸，先寸隔離台情侶叫佢唔好崔單，再係電話鬧唔知邊個，跟住又話等外賣既男人話佢企向度阻住佢行。我幾驚佢鬧埋我。我覺得你地專登去就無謂，大埔大把好野食，唔使專登搵呢間過氣名店。而我應該唔會再幫襯，因為有火水味既粉腸實在令我諗起大陸既化學食物。