影片
更多
2021-08-24
11 浏览
見好多foodie朋友都講「回頭度」呢個term，如果要我用呢個parameter評呢間餐廳，應該頭都fing到甩埋。性價比嚟講，抵到爛啊！同埋如果你係鍾意足球嘅朋友，肯定你j呢間餐廳j到出血。成間餐廳擺滿球衣等相關裝飾，連甜品餐碟都有足球場design，可謂成餐飯由頭到腳都是高潮。好啦冷靜啲，聽我講下啲嘢食幾高質啦香煎海鱸魚柳意式鮮番茄莎莎（$188）海鱸魚柳嘅外皮烙印住香煎過嘅痕跡，本以為就如同唔少餐廳嘅煎魚一樣，會變到好似M記魚柳包咁樣乾爭爭了無生氣（perhaps that‘s why會有人叫魚柳包走魚柳lol）。Butttt this is a totally different story！你永遠不會料想到一份香煎海鱸魚柳可以如此鮮美，魚肉似剛打撈上嚟即刻煎煮一樣，嫩滑至極。魚肉嘅肌理紋路同魚嘅柔軟姿態都依然可以喺呢道料理上感受到，畀到一種啊我食緊嘅真係一條魚嘅感觸。波士頓活龍蝦（半隻）意粉（$168）所謂半隻真係有一半嘅身軀同一邊嘅蝦鉗。鉗裏面肥美多肉，我為隻蝦咁健康咁有肉地感到驕傲。蝦嘅軀幹一樣豐厚，甚至加咗一層芝士喺面、一堆三文魚籽喺底，務求喺唔同感官層面上都能夠挑逗
性價比嚟講，抵到爛啊！同埋如果你係鍾意足球嘅朋友，肯定你j呢間餐廳j到出血。成間餐廳擺滿球衣等相關裝飾，連甜品餐碟都有足球場design，可謂成餐飯由頭到腳都是高潮。
好啦冷靜啲，聽我講下啲嘢食幾高質啦
香煎海鱸魚柳意式鮮番茄莎莎（$188）
海鱸魚柳嘅外皮烙印住香煎過嘅痕跡，本以為就如同唔少餐廳嘅煎魚一樣，會變到好似M記魚柳包咁樣乾爭爭了無生氣（perhaps that‘s why會有人叫魚柳包走魚柳lol）。Butttt this is a totally different story！你永遠不會料想到一份香煎海鱸魚柳可以如此鮮美，魚肉似剛打撈上嚟即刻煎煮一樣，嫩滑至極。魚肉嘅肌理紋路同魚嘅柔軟姿態都依然可以喺呢道料理上感受到，畀到一種啊我食緊嘅真係一條魚嘅感觸。
波士頓活龍蝦（半隻）意粉（$168）
所謂半隻真係有一半嘅身軀同一邊嘅蝦鉗。鉗裏面肥美多肉，我為隻蝦咁健康咁有肉地感到驕傲。蝦嘅軀幹一樣豐厚，甚至加咗一層芝士喺面、一堆三文魚籽喺底，務求喺唔同感官層面上都能夠挑逗到你不能自己。意粉都好好，係十分會有八分or more嘅水準。
法式焦糖燉蛋（+$40.8）
焦糖燉蛋嘅焦香同蛋香呢兩項基本分穩穩拿下，額外加一塊法式千層酥餅配鮮果topping，上碟嗰陣真心有啲驚喜
即製梳乎厘班戟（+$52.8）
動L動L嘅梳乎厘內裏同樣充盈未徹底熟透嘅新鮮感、空氣感、仿似一個搖搖欲墜惹人憐愛嘅細路女嘅無辜感。I’m lovin’ it!
（btw忍唔住吐槽一下「即製」呢個description，梳乎厘都幾難唔即製lol）
沙律
點解要特登讚個前菜呢？真係第一次食到有餐廳會特登用密封瓶盛載沙律咁窩心。第一碟菜就要自己親手打開——打開呢餐飯、打開呢份貼心嘅禮物——感覺好正！同埋黑醋可以自己任落都幾jenggg
———————————————
#lockeroomdining
Lockeroom Dining (譽發廣場) (油麻地)
油麻地彌敦道558-560號譽發廣場8樓
张贴
