影片
更多
2022-02-08
1317 浏览
朋友話黎恒豐中心嘅Lockeroom度食野，地址話係中心底層地下，仲以為係地底個food court添，原來係地面個層，佢仲有獨立門口可以出入餐廳添。小店係自助形式，去counter落完單就有個牌仔，等到個牌仔響就拎得啦。唔知係疫情關係定呢個商場靜？兩點幾已經無人食野，坐位自由揀，坐邊都無問題。無論點咩食都有餐湯送，個湯仲可以無限添飲㗎，是日係忌廉粟米湯，幾滑又多粟米。自己個主食叫左安格斯牛肉芝士漢堡，塊漢堡扒勁厚身，肉味香濃又多肉汁，配埋生菜、蕃茄、芝士等真係好好味。個漢堡包仲會送薯角添，新鮮炸起脆身又香口。朋友就叫左All day breakfast，有炒蛋、煙肉、腸仔、雜菌、茄汁豆等，每樣野份量都唔少，朋友大讚個炒蛋超滑好正。另外仲有份卡邦尼溫泉蛋天使麵，朋友話佢好餓要食兩份，哈哈，點知呢度嘅食物偏大份，最後個天使麵就share啦。個卡邦尼汁夠杰身，加埋蛋汁撈混啲麵條真係無得彈，仲有唔少雜菇同煙肉，唔好睇佢紙盒上，水準比唔少西餐廳好添呀。仲有份鹹蛋黃雞翼，我倆都係鹹蛋黃fans梗係要叫呢樣啦，雞翼大大隻，勁多鹹蛋黃濃味又香口，極邪惡系列呀！食飽飽就食埋個甜品先，叫左件特濃朱古力蛋
朋友話黎恒豐中心嘅Lockeroom度食野，地址話係中心底層地下，仲以為係地底個food court添，原來係地面個層，佢仲有獨立門口可以出入餐廳添。
小店係自助形式，去counter落完單就有個牌仔，等到個牌仔響就拎得啦。
唔知係疫情關係定呢個商場靜？兩點幾已經無人食野，坐位自由揀，坐邊都無問題。
無論點咩食都有餐湯送，個湯仲可以無限添飲㗎，是日係忌廉粟米湯，幾滑又多粟米。
自己個主食叫左安格斯牛肉芝士漢堡，塊漢堡扒勁厚身，肉味香濃又多肉汁，配埋生菜、蕃茄、芝士等真係好好味。個漢堡包仲會送薯角添，新鮮炸起脆身又香口。
朋友就叫左All day breakfast，有炒蛋、煙肉、腸仔、雜菌、茄汁豆等，每樣野份量都唔少，朋友大讚個炒蛋超滑好正。
另外仲有份卡邦尼溫泉蛋天使麵，朋友話佢好餓要食兩份，哈哈，點知呢度嘅食物偏大份，最後個天使麵就share啦。個卡邦尼汁夠杰身，加埋蛋汁撈混啲麵條真係無得彈，仲有唔少雜菇同煙肉，唔好睇佢紙盒上，水準比唔少西餐廳好添呀。
仲有份鹹蛋黃雞翼，我倆都係鹹蛋黃fans梗係要叫呢樣啦，雞翼大大隻，勁多鹹蛋黃濃味又香口，極邪惡系列呀！
食飽飽就食埋個甜品先，叫左件特濃朱古力蛋糕，我估係自家制黎？個樣幾特別嘛。上層係朱古力慕絲，下層有朱古力脆脆，真係不往其名，超濃朱古力味，個蛋糕又香又滑唔過甜，超正呀，好想即刻叫多一件，哈哈。
朋友仲加左杯特飲鹹檸疏打，店員話啲檸佢地自己醃㗎，個base就係疏打溝七喜，但可惜朋友話鹹到飲唔到，可能要加多罐七喜溝淡佢會好啲。整體食物水準高，每一樣野都好好食，係杯檸疏鹹啲啫，會再黎食的。
张贴
