Cafeholic (已結業)

咁啱喺沙田行開，想搵間cafe仔坐低食野抖抖。呢間cafe之前食過dinner，野食質量都幾好，所以都揀左喺度食個tea set。叫左個benedict試下，好有驚喜喎！雖然唔係正宗嘅egg benedict，但有佢嘅份量同用料誠意搭救。上碟分左兩舊包：吞拿魚egg benedict muffin同埋煙三文魚碎蛋沙律muffin吞拿魚個muffin望落唔似咁多料，但一切落去個下，啲吞拿魚嘅份量係蓋過哂成個muffin，多到可以分埋俾另一舊muffin一齊食。個水波蛋就正常嘅水波蛋😂煙三文魚碎蛋沙律muffin雖然啲碎蛋份量真係唔多，但都夠舊muffin hi黎食。最估佢唔到嘅係上面個舊煙三文魚拆開黎有成三大片，食哂成個muffin都仲有一大片煙三文魚未食，勁足料😆😆加埋杯即磨咖啡，都係$65埋單。呢個價錢，食到咁足料嘅tea，我俾90分。淨低個10分係佢個system down左機，我等左成十分鐘先有staff埋黎同我講再幫我落過單，我等左差唔多20分鐘先有野食😂但員工態度都好有禮貌嘅，抵讚嘅都。