屯の大阪章魚燒 (已結業)

早2日見到網上介紹，專程揸車前往一試！拍好車，經青菱徑一帶前往，發現好似越來越多野食！雖然停車嘅地方已經有兩間小食店係賣小丸子，但無影響我揸45分鐘車入黎會一會佢嘅決心！沿路行直至見到小店嘅介紹牌(正正就係好多人會食嘅拉麵店對出)按箭嘴方向望去，就會見到巷尾有個大紅燈籠點燈！之前做足功課，已經諗好想食咩，不過去到，竟然有期間限定！只做外賣，環境整潔！結果就每樣六粒，本身仲有擔心好似好多咁，怕一個人食唔晒。後來發覺12粒剛剛好！本身預定要嘅明太子，唔太辣，入口果然實在！外面嘅小丸子即時無料到！期間限定，青檸味一出，無咩出錯嘅機會！食過呢間之後，我諗外邊嘅小丸子我都係少d食啦另外可能都要follow埋小店fb啦，據知店主耐唔時會去大阪，摸門釘就無奈啦。