阿杏飯團 (富時中心) (裝修中)

相信中意食粢飯既朋友仔都會幾中意食台式既飯糰！！呢間主打台式飯糰既店舖有好幾間分店飯糰癮起既時候都好易止癮🤣🤣同朋友每人要左一款飯糰同飲品～飯糰係落單後即整既，要等大概5-10分鐘🤗🤗✨熊本烤腸飯團✨呢度既飯團係用上紫米，比起白米更有嚼口～除左有味道咸甜咸甜既台灣腸之外，飯團內仲有肉鬆、醃菜同脆脆！！食落有多重既層次口感，仲好有飽足感添😚😚✨金莎鹹蛋飯團✨金莎鹹蛋雖然無肉既配料，但因為有咸香既蛋黃，所以食落都好惹味👍👍有驚喜既係台式飲品都幾有水準～特別係呢杯黑糖珍珠奶茶，奶同茶既比例平衡得宜，珍珠口感Q彈軟糯，富有黑糖香氣，整體都幾出色！！下次有機會要試埋其他口味先得