十兄弟車仔麵 (已結業)

平時喺港島捐窿捐罅搵好嘢食，見到春園街10兄弟車仔麵都幾多人排隊食lunch，舖頭出面都有好多相，賣相唔錯就一於試吓佢啦我見到唔少食客都有叫香辣玻璃魷魚，我都叫咗碟黎試吓🤣舖頭誠意滿滿，每舊魷魚都剪得幾大嚿，識落脆口大少少辣味，真係令我胃口大開等左陣上埋我碗牛四寶，入面有三大舊巨型牛孖筋😌牛坑腩，金錢肚同埋牛丸😎最欣賞佢牛孖根，因為好大嚿食落去好滿足，唔似得一般車仔麵檔細細舊食完好似冇食過咁，另外牛坑腩嫩滑入味，一啲都唔會鞋口推薦👏🏼👏🏼有時食到一碗高質素嘅車仔麵，已經令人開心一日🤭