麗島小廚 (已結業)

今晚試了滋補花膠濃湯雞煲，味道唔錯，隻雞都幾新鮮，湯底料都幾足。伙記幫我地剪開隻雞，服務很好。花膠之真身，咬落質素唔錯，收晒貨。第一Round一定係飲湯，花膠雞湯真係正。飲晒湯之後開始打邊爐，叫咗墨魚滑、冰豆腐、美國桶蠔同韭菜餃。墨魚滑係墨汁嗰隻，仲要一客兩條，墨魚味夠香夠彈牙。冰豆腐係其中一款我最喜愛的食物，D冰豆腐吸晒D湯真係好正。美國桶蠔都真係好大隻，而且幾鮮味，好食。韭菜餃係自家製，所以D韭菜好新鮮，又係好正。