麗島小廚 (已結業)

足料花膠雞煲好味道，佢D雞都應該幾新鮮，如果唔係佢個湯D雞味唔會咁香濃咁出，一滾起就已經聞到好香。滾5分鐘左右就可以食，店員叫我地先飲個雞湯先然後再食雞，D雞都算滑，食到七七八八之後就開始打邊爐。打邊爐配料叫咗我最鍾意嘅鱔片，呢間嘅鱔片都幾新鮮，淥一陣就食得，好正。呢度嘅墨魚滑係黑色的墨汁墨魚滑，一份有2條又幾抵食，D墨魚滑都幾彈牙幾新鮮。我地又叫咗雲吞，佢呢度唔係D巨型雲吞不過一啖一粒都唔錯，入面D蝦都幾新鮮，D肉質係呃唔到人嘅。最後仲叫了一個什菇藍，都好食。整體唔錯，會返頭。