影片
更多
2021-08-11
69 浏览
今日同朋友係佐敦按摩，突然好想打邊爐，隨便搵左間黎個即興邊爐。員工好好禮貌，亦好注重衛生，主動用夾幫我地即場用熱水洗多次d餐具，而台面亦好乾爽，無油淋淋感覺，抗疫年幾，留意餐廳衛生情況已經成為習慣。鋪仔細細，都好受街坊歡迎，8：30都仲要等位。好彩咁岩有人埋單，一入座即刻叫野飲，薏米水同竹樜矛根，原來係自家制，無添加足料清熱，邊爐必備。 送既陳醋木耳，微辛辣有蒜香，唔會太酸醋味，唔覺唔覺食左大半兜。比起連鎖邊爐，配料款唔算多，但應有既都有齊，我個人唔係太喜歡加太多野，最後只加左醋同XO醬，我將XO醬放入食野碗無溝落個豉油碗，員工好細心，比過隻新碗我，話分別點黎食好味D，好2主動，好細心。讚👍養生花膠翅裙冬瓜燉雞鍋 一滾起，即刻飲碗湯先，味道偏清淡，可能各樣料未出味。員工又出場，原來隻雞為表足料，係會上台後，係客人面前剪開。之後邊食其他野，邊滾住d花膠竹笙，成個湯即刻昇華哂。一煲起碼有4至5件手掌咁長既花膠，仲要係厚身，有咬口，激讚好足料。先試個墨魚滑油炸鬼，火路控制得好好，油炸鬼唔會過硬介咀，通常翻炸會愈炸愈乾，墨魚滑都好夠份量，唯一美中不足，咸左少少少，呢款小食應該岩餸酒，話咸，唔覺
員工好好禮貌，亦好注重衛生，主動用夾幫我地即場用熱水洗多次d餐具，而台面亦好乾爽，無油淋淋感覺，抗疫年幾，留意餐廳衛生情況已經成為習慣。
鋪仔細細，都好受街坊歡迎，8：30都仲要等位。
好彩咁岩有人埋單，一入座即刻叫野飲，薏米水同竹樜矛根，原來係自家制，無添加足料清熱，邊爐必備。 送既陳醋木耳，微辛辣有蒜香，唔會太酸醋味，唔覺唔覺食左大半兜。
比起連鎖邊爐，配料款唔算多，但應有既都有齊，我個人唔係太喜歡加太多野，最後只加左醋同XO醬，我將XO醬放入食野碗無溝落個豉油碗，員工好細心，比過隻新碗我，話分別點黎食好味D，好2主動，好細心。讚👍
養生花膠翅裙冬瓜燉雞鍋
一滾起，即刻飲碗湯先，味道偏清淡，可能各樣料未出味。員工又出場，原來隻雞為表足料，係會上台後，係客人面前剪開。
之後邊食其他野，邊滾住d花膠竹笙，成個湯即刻昇華哂。
一煲起碼有4至5件手掌咁長既花膠，仲要係厚身，有咬口，激讚好足料。
先試個墨魚滑油炸鬼，火路控制得好好，油炸鬼唔會過硬介咀，通常翻炸會愈炸愈乾，墨魚滑都好夠份量，唯一美中不足，咸左少少少，呢款小食應該岩餸酒，話咸，唔覺唔覺都食左4件。👍👍
自家制紫菜響鈴
響鈴係火鍋必備，不過佢呢款就特別DD，有紫菜係入面，員工上菜時比埋個酸甜汁，原來佢地既紫菜響鈴係prefer 點汁食好過浸湯。
咬入口，好清脆薯片聲，應該係歸功於塊紫菜，因為就咁試個腐皮，係鬆化口感，唔算脆。
味道就普普通通，靠個酸甜汁，個人黎講，都係鍾意浸湯既響鈴多D。
（前）自家手釀流沙蝦丸
食到勁多粒蝦肉，蝦膠亦彈牙唔糊口，包心咸蛋黃，份量控制幾好，蛋黃唔會搶左蝦鮮味，反而襯托到個蝦味更鮮，真係好明顯食到鮮蝦味👍
（後）自家製芹菜帶子餃
入口好香芹菜味，芹菜控必試，包住原粒帶子仔，都有鮮味既，比起個蝦滑，就差DDD。2款都好好食，推介👍
西班牙黑毛豬
油脂平均，令成塊肉入口夠滑身有肉香油香，呢個無咩特別，純睇餐廳選料好唔好。
肉色粉嫩，油脂平均。👍
鮮鵝腎
平時好鍾意食雞腎，因為鍾意佢個爽脆既口感。見到呢度咁特別有鮮鵝腎，即叫。。。
厚切，份量足，一份肯定有十塊以上。全晚最驚喜，少餐廳有，而且好足份量，食得好開心。
之後應該會再約朋友黎，試埋佢其他野，好多款自家製餃未試，佢仲有自己既魚缸係門口，海鮮應該都唔錯。而家已經諗定下次黎食咩好。🤣🤣🤣
张贴
