養心殿台式養生鍋 (已結業)

經常出入冷氣地， 加上食多荔枝， 有兩聲咳， 雖然係咁，但難得約咗朋友都照出。 呢間台式養生鍋，開咗好多分店，大家都一致好評， 雖然真係好想食佢個美人鍋 ，有大半隻烏雞 ，但感冒初起，唔可以食雞煲，所以揀咗麻辣鍋併酸菜白肉鍋， 味道都相當有驚喜。呢一間嘅湯底性價比非常高， 鴛鴦鍋取其價錢比較貴的，唔會另外加費。當中麻辣鍋附加嘅鴨血同凍豆腐好好味。 鴨血對比豬紅冇咁易碎， 口感較滑， 所以我地最後都另外追加咗一份鴨血。本身淨係諗住打邊爐但見佢小食有鹽酥阿仔， 即刻order，因為唔係間間台式餐廳都有。 鹽酥柯仔同埋鹽酥雞做法差唔多，但做阿仔一定要大粒同新鮮，先可以做到外層酥脆，裡面鮮嫩多汁,呢個就整得好味。丸類叫了芝心牛肉丸及墨魚丸， 價錢略貴但睇得出係鮮打質數高。 芝心牛肉丸內芝士較熨口食嘅時候要小心， 墨丸爽滑。雲吞好大粒， 每粒都用豬肉包住一大隻蝦，蝦肉爽唔梅，略貴，但值得一試。霜降肉眼牛肉唔肥，重牛味， 而且每片卷好，碌嘅時候 比較容易掌握火候唔會過數。什錦蔬有金菇，冬菇，粟米，娃娃菜，唐生菜， 種類齊全 。兩人食咁的份量已經好飽，本身滿心期待甜品有芋圓， 但原來已經沒有了，轉而