醉胡爐 (已搬遷) 新店位置

老媽子晨早打黎投訴話老豆今晚獨自去偷歡，剩返佢一個食飯，為左安撫下佢就帶佢去食好野，我媽至愛嘅打邊爐，呢間一定吾會令佢失望。上次食過尖沙咀厚福街個間胡爐已經覺得好正，今日再試呢間柯士甸路嘅醉胡爐都系同一集團，應該都吾會差。呢間系地下舖，裝修比較grand啲，樓底超高，抽風系統夠，食完個身吾會有火鍋味。有多款酒類可以選擇，啱晒喜愛杯中物人士。濃湯佛跳牆雞翅鍋 ～ 醉胡爐嘅湯底真系無得輸，先飲碗濃湯，再食下湯料先（花膠，魚翅，海參，雞，鮑魚），好滿足飲完湯再加啲湯打邊爐，手切頂級安格斯肥牛，口感好特別，夠厚身爽口，好有牛香味佢地嘅刺身，串燒我都想試，不過今日真系食吾落，下次call班friend黎再食過