六十六十火鍋 (已結業)

今日食咗一间几特别嘅火锅店。个名已经够晒特别，叫六十六十🤪 我哋带咗椰子鸡汤底，再配好多海鲜，超级正呀。你真系估佢唔到，椰子鸡非常足料。连只鸡嘅烹煮时间都会教埋你，所以食落超级软滑，唔会鞋，又够juicy😍 椰子味超级香呀，完全饮到停唔到。平时好少食到真既椰子肉，但呢间店系一啖肉一啖椰子。海鲜亦都超级新鲜。我哋叫咗花甲、蟹、蚝等等。扫一扫QR code即刻教你要煮几耐，所以每一样食物嘅鲜味都发挥到淋漓尽致。 配料方面，我哋叫咗花胶仔， 西班牙梅头猪肉同埋好多蔬菜类。每一款味道都唔错，配搭埋椰子鸡汤底，绝对系恰到好处。