影片
更多
2019-07-03
155 浏览
呢排落咗好多日好多日雨，今晚終於冇落雨喇😎，夜晚即刻出街食飯🌝同朋友約咗喺大家既中間點，即係旺角食飯。旺角既選擇實在太多太多，我地傾咗一陣之後決定去打邊爐。最後揀左呢間火鍋店，有3款套餐可以揀，我地點咗＄218既鮑魚海鮮火鍋套餐，食物飲品雪糕任飲任食😋講明任食，點菜紙上面既野食任叫！第一轉已經揀咗雞件、肥牛、蟹子丸、芝士腸、蝦丸、生菜同金菇，都係肉同丸~肥牛一嚟就有2碟，滿足哂牛魔王朋友🤣過咗一陣就到主角登場，有鮑魚、帶子、蠔、螺同埋蚌。海鮮整體上都幾新鮮，而且size唔細，有誠意~自己最鐘意係鮑魚，食落煙韌有咬口，點埋沙嗲醬嚟食，正呀🤤帶子白雪雪夠大粒，咬落鮮甜。打完邊爐仲有自選甜品食，我地就揀咗雪糕同雪米糍👍
同朋友約咗喺大家既中間點，即係旺角食飯。旺角既選擇實在太多太多，我地傾咗一陣之後決定去打邊爐。
最後揀左呢間火鍋店，有3款套餐可以揀，我地點咗＄218既鮑魚海鮮火鍋套餐，食物飲品雪糕任飲任食😋
講明任食，點菜紙上面既野食任叫！
第一轉已經揀咗雞件、肥牛、蟹子丸、芝士腸、蝦丸、生菜同金菇，都係肉同丸~
肥牛一嚟就有2碟，滿足哂牛魔王朋友🤣
過咗一陣就到主角登場，有鮑魚、帶子、蠔、螺同埋蚌。
海鮮整體上都幾新鮮，而且size唔細，有誠意~
自己最鐘意係鮑魚，食落煙韌有咬口，點埋沙嗲醬嚟食，正呀🤤
帶子白雪雪夠大粒，咬落鮮甜。
打完邊爐仲有自選甜品食，我地就揀咗雪糕同雪米糍👍
张贴
