阿杏飯團 (東海商業中心)

营业中

休息中

今日去科學館恐龍展時時見對面開左間阿杏飯團，排到人山人海，好誇張。咁去完出黎過左午飯時間就冇咩人，細路又話好頸渴，買得野飲又話想試埋飯團，結果就叫左個啖啖肉系列有新宿燒汁牛扒飯團同一杯黑糖珍珠奶茶。估唔到中式飯團都好好味，真係啖啖肉，燒汁唔太咸，飯粒分明，番到屋企食都唔會一pat pat。黑糖珍珠奶茶既珍珠好彈牙，好有茶味。另外再叫左個海鮮系列$61 有一個網紅蟹肉飯團同一杯椰果四季春。蟹肉一d都唔腥，仲好多蟹肉。椰果好好咬口，四季春好清香。飯團似粢飯，入面脆，好好味，下次一定再試其他。